Аялдын күйөөсү үчүн кашын ичкертип терүүсүнүн өкүмү

Жолдошум көзүмдүн үстүндөгү каштарымды тердирип же тазалатып коюумду каалап жатат. Шариатта буга уруксат барбы? Бул маселе боюнча шариаттын өкүмү кандай?

الجوابُ حامِدا ًو مُصلیِّا ً

Аялдын сулуулануу максатында кашын жип же башка каражат менен терип ичкертүүсүнө, ошондой эле каштын четиндеги түктөрдү жулуп, аны жука сызык кылып өзгөртүүсүнө шариатта уруксат жок. Бул иш тууралуу хадисте катуу эскертүү (каргыш) келген.
Ошондой эле эки каштын ортосундагы түктөрдү сулуулануу үчүн жулдуруу же алдыруу да, күйөөсү үчүн болсо да, уруксат эмес.
Бирок эгер каш табигый абалынан өтө эле калың же ашыкча жайылып өсүп, кемчилик катары көрүнүп турса, анда аны кемчиликти жоюу максатында кадимки табигый жана орточо көрүнүшкө келтирүүгө уруксат берилет.
Белгилей кетүү керек, аял зыйнаттанып, өзүн көрктөндүрүүдө шариаттын талаптарын сактоого милдеттүү. Өзүнүн кандайдыр бир иш-аракети менен Аллах Тааланын жана Анын Элчисинин ﷺ нааразычылыгына себеп болуп калбоосуна өзгөчө көңүл бурушу керек.
Шариатта ачык түрдө тыюу салынган көрктөнүү иштерин эч кандай учурда жасоого болбойт, ал тургай күйөөсү үчүн болсо да.
Ал эми шариат уруксат берген чектеги зыйнаттын максаты күйөөсүн ыраазы кылуу болушу керек. Чоочун эркектерге көрүнүү же башка аялдардын алдында мактануу үчүн көрктөнүүгө болбойт.
Эгер аял күйөөсүн кубантуу ниети менен көрктөнсө, бул үчүн сооп алат. Ал эми чоочун эркектерге көрүнүү же башкаларга мактануу максатында зыйнаттанса, күнөөкөр болот.

مأخَذُ الفَتوی

حاشية رد المحتار على الدر المختار (6/ 373): "( والنامصة إلخ ) ذكره في الاختيار أيضاً، وفي المغرب: النمص نتف الشعر ومنه المنماص المنقاش اهـ ولعله محمول على ما إذا فعلته لتتزين للأجانب، وإلا فلو كان في وجهها شعر ينفر زوجها عنها بسببه ففي تحريم إزالته بعد؛ لأن الزينة للنساء مطلوبة للتحسين، إلا أن يحمل على ما لا ضرورة إليه؛ لما في نتفه بالمنماص من الإيذاء. وفي تبيين المحارم: إزالة الشعر من الوجه حرام إلا إذا نبت للمرأة لحية أو شوارب فلا تحرم إزالته، بل تستحب".