Кыздык белгиси бузулуп калгандыктан никеге турбай коюунун өкүмү

Менин бир курбум алданып калып, жигити менен никеге чейин жаман ишке барып алган (жыныстык мамиледе болуп алган). Кийин алардын мамилеси үзүлүп, экөө такыр сүйлөшпөй калышты. Учурда ага жаңы жуучулар келип жатат. Бирок ал абдан санааркап жүрөт. Анткени никеден кийинки биринчи түнү болочок күйөөсү анын кыз эместигин билип калса, үй-бүлөм бузулуп кетет деп катуу коркот.
Мындай жагдайда ал эмне кылышы керек? Азырынча турмушка чыгуу тууралуу сунуштарды кийинкиге жылдырып турганы туурабы же Аллах Таалага тобокел кылып, ылайыктуу адам жолукса, никеге макул боло бергени туурабы?

الجوابُ حامِدا ًو مُصلیِّا ً

Белгилүү болгондой, зына — Исламдагы эң оор күнөөлөрдүн бири. Куранда жана хадистерде зынанын өтө катуу айыпталгандыгы жана аны кылгандар үчүн оор эскертүүлөр келген.
Хадисте мындай деп айтылган: «Жети асман менен жети жер үй-бүлөлүү болуп туруп зына кылган адамга наалат айтат. Тозокто алардын уят жерлеринен ушунчалык сасык жыт чыгат, андан тозоктун жашоочулары да азап тартышат. Алар оттун азабы менен бирге ушундай кордукка да кабылышат.» (Муснад Баззар)
Дагы бир хадисте: Азирети Абу Хурайра (Аллах андан ыраазы болсун) риваят кылат. Аллахтын Элчиси ﷺ мындай деген: «Зына кылып жаткан учурда зына кылуучу адам толук ыймандуу абалда болбойт. Уурулук кылып жаткан учурда ууру да толук ыймандуу болбойт. Ошондой эле арак ичип жаткан учурда арак ичкен адам да толук ыймандуу болбойт.» (Сахих Бухари)
Демек, суроодо айтылган кыз мындай оор күнөөгө жол берип койгону үчүн чын жүрөктөн өкүнүп, Аллах Таалага көп-көп тооба кылып, кечирим сурашы керек.
Ошондой эле нике — сүннөт. Никесиз жүрүү адамдын кайрадан күнөөгө түшүп калуу коркунучун да күчөтүшү мүмкүн. Ошондуктан ылайыктуу талапкер чыкса, никеге туруусу туура болот.
Мурда кетирилген бул ката жөнүндө болочок күйөөсүнө айтып берүү милдет эмес. Анткени кыздык белгиси (кыздык пардасы) жыныстык катнаштан башка себептерден да, мисалы, жаш куракка байланыштуу өзгөрүүлөрдөн же катуу секирүү, спорт сыяктуу аракеттерден улам да бузулушу мүмкүн.
Ошондуктан ар кандай күмөн ойлорго берилбей, Аллах Таалага тобокел кылып, Андан жардам сурап жашоо керек.
Мындан тышкары, сүйлөшкөн жигит шарият боюнча нике кыйылганга чейин бөтөн эркек болуп эсептелет. Ошондуктан аны менен жүзүн ачып жүрүү, зарылчылыксыз сүйлөшүү жана жакын мамиле түзүү таптакыр уруксат эмес. Келечекте кудалашуу болсо, нике кыйылганга чейин аны менен ашыкча байланыш түзүүдөн жана эркин сүйлөшүүдөн сактануу зарыл.

مأخَذُ الفَتوی

"عن عبد الله بن بريدة عن أبيه رضي الله عنه : إن السماوات السبع و الأرضين السبع و الجبال ليلعن الشيخ الزاني و إن فروج الزناه لتؤذي أهل النار بنتن ريحها."
(مسند بريدة بن الحصيب رضي الله عنه، ج:10، ص:310، ط:مكتبة العلوم والحكم)-
"عن أبي هريرة رضي الله عنه، قال: قال النبي صلى الله عليه و سلم: لا يزني الزاني حين يزني و هو مؤمن، و لا يشرب الخمر حين يشرب و هو مؤمن، و لا يسرق حين يسرق و هو مؤمن، و لا ينتهب نهبة، يرفع الناس إليه فيها أبصارهم حين ينتهبها و هو مؤمن."
(كتاب المظالم، باب النهبى بغير إذن صاحبه، ج:3، ص:136، ط:دار طوق النجاة)-
وفی رد المحتار: "ليس لنا عبادة شرعت من عهد آدم إلى الآن ثم تستمر في الجنة إلا النكاح والإيمان
(قوله: ليس لنا عبادة إلخ) كذا في الأشباه وفيه نظر أما أولا فإن كونه عبادة في الدنيا إنما هو لكونه سببا لكثرة المسلمين ولما فيه من الإعفاف ونحوه مما ذكرناه."
(کتاب النکاح، ج:3، ص:3، ط:سعید)-