Компаниянын унаасын коммерциялык максаттарында колдонуунун өкүмү канда

Мен Бишкекте бир компанияда инжинер болуп иштейм. Компания мага кызматтык иштер үчүн унаа берип, ай сайын белгилүү өлчөмдө күйүүчү май бөлүп берет. Компаниянын шарттарына ылайык, бул унааны жеке иштер үчүн да колдонууга уруксат берилген.
Менин суроом: ушул компания берген унааны жана күйүүчү майды колдонуп, Яндекс Go тиркемеси аркылуу такси кылып акча тапсам болобу? Башкача айтканда, унаа жана күйүүчү май компаниянын менчиги болуп турган учурда, ошол унааны колдонуп киреше табуу шарият боюнча уруксатпы?
Бул маселе боюнча шарияттын негизинде түшүндүрмө беришиңиздерди өтүнөм, анткени өз иштеримди шариятка ылайык жүргүзгүм келет.

الجوابُ حامِدا ًو مُصلیِّا ً

Компания тарабынан кеңсе иштерин аткаруу жана чектелген жеке колдонуу үчүн берилген унаа менен күйүүчү майды Яндекс Go же башка кандайдыр бир коммерциялык (акы төлөнүүчү) ишмердүүлүк үчүн колдонууга шарият боюнча уруксат берилбейт.
Себеби, кызматкерге компаниянын мүлкүн анык көрсөтүлгөн же адатта (уруф боюнча) уруксат берилген чекте гана пайдаланууга болот. Ал эми коммерциялык максатта колдонуу кадимки уруксатка кирбейт. Ошондуктан, компаниянын атайын уруксаты болмоюнча, анын унаасын жана күйүүчү майын колдонуп кошумча киреше табууга болбойт.

مأخَذُ الفَتوی

المحيط البرهاني (5/ 556): ليس للمستعير أن يؤاجر المستعار من غيره، وإذا آجر صار ضامنا.
الفتاوى العالمكيرية = الفتاوى الهندية (4/ 364): ليس للمستعير أن ‌يؤاجر ‌المستعار من غيره.
العناية شرح الهداية - بهامش فتح القدير ط الحلبي (9/ 9): وليس للمستعير أن يؤاجر ما استعاره؛ فإن آجره فعطب ضمن.